深圳騙局2024！5大最新行騙手法💡分享畀身邊人！切勿上當！

早前,有一位深圳居民喺網上討論區分享一篇帖文,關於深圳最新騙局,文中提及深圳5大最新行騙手法｡提醒港人北上陷阱,記得分享畀身邊朋友,唔好中計呀!詳情見圖‼️ 1️⃣免費飛車 千祈唔好相信對方講可以免費搭車,實際到目的地之後會強制你消費!如果你拒絕消費, 對方會要求你畀返啱啱嘅飛車錢,遇到呢個情況, 一定要即刻報警! 2️⃣免費送手機 騙徒會喺街邊同你講有免費手機贈送跟佢返舖頭填寫個人資料,並且需要你身分證/回鄉證辦理｡只要你話｢算啦,唔要啦｣,對方就會話如果依家走要畀手續費｡因爲已經用你的資料登記一部手機｡ 遇到呢個情況,同樣都係要報警!另外要即刻聯絡通訊商,查詢最新電話月費,避免一些不明收費的情況｡ 3️⃣免費抽獎 💡呢類騙案專針對長者,騙徒通常駐守大型商場附近,首先會問你啱啱有無喺商場內消費,如果你回答有,對方就會話你獲得免費抽獎｡ 呢個情況下你一定會中獎:得到珠寶/首飾/黃金的1折優惠,產品亦會附有一張鑑定證書,並承諾如果獎品係假,將賠償10倍金額｡ 但其實珠寶､首飾同證書全部都係假!而且呢種騙案,中招仲好難追究,所以一定要勸告家中成日北上嘅長輩,千祈唔好貪小便宜去抽獎! 4️⃣掃描/關注官方號送禮品 呢類騙案專針對年輕人,表示關注官方帳號就可獲禮品｡但只要你已關注帳號,就會讀取你嘅手機號碼,如果畀微信嘅行動裝置識別碼,騙徒會讀取你嘅個人標籤｡ 加上內地嘅數據庫保密不足,騙徒可以利用你嘅個人資料,去呃你嘅家人｡例如Telegram的社工庫內含有大量個人資料,就連你屋企人名字､電話等資料,騙徒都輕易得到｡ 使用越多嘅內地服務,包括掃二維碼點餐､拎飛,就會洩漏越多個人資料!所以儘量不要掃描二維碼,亦不要理會街邊宣傳人員! 5️⃣幫手過數付款 隨時在街上都會遇到!對方表示自己微信/支付寶唔夠錢,想你幫手過數,再畀返現金你｡通常要你幫忙支付嘅商品望落都好平,一般幾蚊,同時會改一個好長嘅名,等你睇唔到價錢｡ 但其實商品嘅實際價錢都唔止幾蚊,甚至上千元｡大家千祈唔好因為一時嘅好心,被騙都唔知! 資料來源:Dcard #攻略#深圳#內地騙案#騙案手法